OKI (ᱚᱠᱤ) ᱚᱱᱞᱟᱭᱤᱱ ᱥᱤᱛᱩᱝ ᱤᱱᱴᱚᱨᱱᱥᱤᱯ ᱒᱐᱒᱖
ᱚᱠᱤ ᱚᱱᱞᱟᱭᱤᱱ ᱥᱤᱛᱩᱝ ᱤᱱᱴᱚᱨᱱᱥᱤᱯ ᱒᱐᱒᱖ ᱨᱮ ᱤᱧᱟᱜ ᱠᱟᱹᱢᱤᱦᱚᱨᱟᱺ ᱥᱟᱱᱛᱟᱞᱤ ᱯᱟᱵᱞᱤᱠ ᱰᱚᱢᱮᱱ ᱥᱟᱶᱦᱮᱫ ᱪᱮᱛᱟᱱ ᱨᱮ ᱠᱟ.ᱢᱤ
ᱤᱧ ᱱᱤᱛᱚᱜ ᱟᱤ ᱟᱤ ᱴᱤ ᱦᱟᱭᱫᱟᱨᱟᱵᱟᱫ ᱨᱮ ᱚᱯᱮᱱ ᱱᱚᱞᱮᱡᱽ ᱤᱱᱤᱥᱤᱭᱮᱴᱤᱵᱷ ᱦᱚᱛᱮᱛᱮ ᱥᱟᱯᱲᱟᱣ ᱥᱟᱢᱟᱨ ᱤᱱᱴᱟᱨᱱᱥᱤᱯ ᱒᱐᱒᱖ ᱨᱮ ᱧᱩᱛᱩᱢ ᱚᱞ ᱟᱠᱟᱱᱟᱹᱧ ᱾ ᱤᱱᱴᱟᱨᱱᱥᱤᱯ ᱨᱮ ᱟᱭᱢᱟ ᱵᱷᱟᱨᱚᱱ ᱯᱟᱹᱨᱥᱤ ᱨᱮ ᱥᱟᱶᱦᱮᱫ ᱰᱤᱡᱤᱴᱟᱭᱤᱡᱽ ᱟᱨ ᱰᱚᱠᱭᱩᱢᱮᱱᱴᱤᱝ ᱨᱮ ᱢᱚᱱᱮ ᱢᱮᱱᱟᱜᱼᱟ᱾ ᱤᱧ ᱫᱚ ᱥᱟᱱᱛᱟᱞᱤ ᱯᱟᱹᱨᱥᱤ ᱠᱚ ᱮᱢ ᱟᱠᱟᱫᱤᱧᱟ, ᱚᱱᱟ ᱫᱚ ᱤᱧ ᱞᱟᱹᱜᱤᱫ ᱢᱤᱫ ᱩᱢᱡᱷᱟᱹᱣ ᱟᱨ ᱥᱚᱛᱚᱨᱠᱚᱣᱟᱱ ᱟᱹᱱᱟᱹᱭᱠᱟᱹᱣ ᱵᱟᱱᱟᱨ ᱜᱮ ᱦᱩᱭ ᱟᱠᱟᱱᱟ᱾
ᱟᱞᱮ ᱱᱤᱛᱚᱜ ᱤᱱᱴᱟᱨᱱᱥᱤᱯ ᱨᱮᱭᱟᱜ ᱫᱚᱥᱟᱨ ᱫᱷᱟᱯ ᱨᱮ ᱢᱮᱱᱟᱜ ᱞᱮᱭᱟ᱾ ᱯᱩᱭᱞᱩ ᱫᱷᱟᱯ ᱨᱮ, ᱟᱵᱚᱣᱟᱜ ᱢᱩᱲᱩᱫ ᱠᱟᱹᱢᱤ ᱫᱚ ᱛᱟᱦᱮᱸ ᱠᱟᱱᱟ ᱟᱵᱚᱣᱟᱜ ᱯᱟᱹᱨᱥᱤ ᱞᱟᱹᱜᱤᱫ ᱯᱚᱛᱚᱵ ᱠᱚ ᱵᱟᱵᱚᱛ ᱯᱩᱥᱴᱟᱹᱣ ᱵᱟᱲᱟᱭ ᱟᱨ ᱡᱟᱣᱨᱟ ᱾ ᱱᱚᱣᱟ ᱨᱮ ᱢᱟᱨᱮ ᱯᱟᱹᱨᱥᱟᱞ ᱠᱚ ᱯᱟᱱᱛᱮ, ᱚᱱᱚᱞᱤᱭᱟᱹ ᱠᱚ ᱟᱨ ᱯᱟᱹᱨᱥᱟᱞ ᱥᱮᱨᱢᱟ ᱠᱚ ᱯᱩᱥᱴᱟᱹᱣ, ᱟᱨ ᱯᱚᱛᱚᱵ ᱵᱤᱵᱨᱚᱬ ᱠᱚ ᱵᱮᱥ ᱛᱮ ᱢᱤᱫᱴᱮᱱ ᱥᱮᱞᱮᱫ ᱛᱟᱦᱮᱸᱠᱟᱱᱟ᱾
ᱥᱟᱱᱛᱟᱞᱤ ᱥᱟᱶᱦᱮᱫ ᱞᱟᱹᱜᱤᱫ ᱱᱚᱶᱟ ᱠᱟᱹᱢᱤ ᱫᱚ ᱟᱹᱰᱤ ᱜᱮ ᱢᱩᱥᱠᱤᱞ ᱛᱟᱦᱮᱸ ᱠᱟᱱᱟ ᱪᱮᱫᱟᱜ ᱥᱮ ᱢᱟᱨᱮ ᱯᱚᱛᱚᱵ ᱠᱚ ᱵᱟᱵᱚᱛ ᱵᱟᱰᱟᱭ ᱫᱚ ᱟᱹᱰᱤ ᱜᱷᱟᱹᱲᱤᱡ ᱜᱮᱭᱟ ᱟᱨ ᱧᱟᱢ ᱫᱚ ᱟᱹᱰᱤ ᱜᱮ ᱢᱩᱥᱠᱤᱞ ᱜᱮᱭᱟ᱾ ᱟᱹᱰᱤ ᱜᱟᱱ ᱯᱟᱹᱨᱥᱟᱞ ᱫᱚ ᱫᱩᱨ ᱜᱮᱭᱟ, ᱟᱨ ᱴᱷᱤᱠ ᱚᱞ ᱫᱚ ᱥᱟᱨᱟ ᱜᱷᱟᱹᱲᱤᱡ ᱵᱟᱝ ᱧᱟᱢᱚᱜ ᱠᱟᱱᱟ ᱾ ᱱᱚᱣᱟ ᱠᱚ ᱟᱝᱜᱚᱪ ᱛᱟᱦᱮᱸ ᱠᱟᱛᱮ ᱦᱚᱸ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱞᱟᱠᱪᱟᱨ ᱥᱟᱞᱟᱜ ᱯᱟᱛᱷᱟᱢ ᱯᱟᱛᱷᱟᱢ, ᱥᱟᱶᱦᱮᱫ ᱥᱟᱢᱴᱟᱣ, ᱟᱨ ᱮᱴᱟᱜ ᱞᱟᱹᱠᱛᱤᱭᱟᱱ ᱠᱟᱹᱢᱤ ᱠᱚ ᱥᱟᱶᱛᱮ ᱕᱐ ᱠᱷᱚᱱ ᱦᱚᱸ ᱵᱟᱹᱲᱛᱤ ᱯᱩᱛᱷᱤ ᱨᱮᱭᱟᱜ ᱵᱤᱵᱨᱚᱬ ᱤᱧ ᱥᱟᱹᱜᱩᱱ ᱥᱟᱞᱟᱜ ᱡᱟᱣᱨᱟ ᱫᱟᱲᱮᱭᱟᱜ ᱠᱟᱱᱟ ।
ᱱᱚᱣᱟ ᱥᱟᱸᱜᱷᱟᱨ ᱛᱮ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱠᱩᱨᱩᱢᱩᱴᱩ ᱟᱨ ᱱᱟᱜᱟᱢᱤᱭᱟᱹ ᱜᱟᱹᱦᱤᱨ ᱵᱩᱡᱷᱟᱹᱣ ᱞᱟᱹᱜᱤᱫ ᱜᱚᱲᱚ ᱧᱟᱢ ᱟᱠᱟᱱᱟᱹᱧ | ᱱᱚᱣᱟ ᱦᱚᱸ ᱩᱫᱩᱜ ᱟᱫᱤᱧᱟᱭ ᱥᱚᱫᱮᱥᱤ ᱟᱨ ᱴᱚᱴᱷᱟᱹᱠᱤᱭᱟᱹ ᱯᱟᱹᱨᱥᱤ ᱠᱚ ᱞᱟᱹᱜᱤᱫ ᱨᱟᱠᱷᱟ ᱟᱨ ᱫᱚᱥᱛᱟᱵᱮᱡᱽ ᱛᱤᱱᱟᱹᱜ ᱞᱟᱹᱠᱛᱤᱭᱟᱱᱟ᱾
ᱱᱤᱛᱚᱜ ᱫᱚ ᱤᱱᱴᱟᱨᱱᱥᱤᱯ ᱨᱮᱭᱟᱜ ᱫᱚᱥᱟᱨ ᱫᱷᱟᱯ ᱨᱮ ᱟᱵᱚᱣᱟᱜ ᱫᱷᱭᱟᱱ ᱫᱚ ᱥᱟᱢᱴᱟᱣ ᱟᱠᱟᱱ ᱠᱟᱹᱢᱤ ᱠᱚ ᱨᱮᱭᱟᱜ ᱯᱚᱛᱚᱵ ᱵᱤᱰᱟᱹᱣ ᱚᱞ ᱥᱮᱡ ᱪᱟᱞᱟᱣ ᱟᱠᱟᱱᱟ᱾ ᱱᱚᱣᱟ ᱫᱷᱟᱯ ᱠᱷᱚᱱ ᱜᱮ ᱥᱟᱱᱛᱟᱲᱤ ᱯᱩᱛᱷᱤ ᱟᱨ ᱥᱟᱶᱦᱮᱫ ᱡᱤᱱᱤᱥ ᱠᱚ ᱨᱮᱭᱟᱜ ᱵᱤᱰᱟᱹᱣ ᱤᱧ ᱚᱞᱤᱧ ᱫᱚᱦᱚᱭᱟ᱾ ᱤᱧ ᱱᱚᱶᱟ ᱠᱚ ᱚᱞ ᱠᱚ ᱟᱨᱦᱚᱸ ᱜᱟᱹᱦᱤᱨ ᱛᱮ ᱯᱟᱱᱛᱮ ᱟᱨ ᱥᱟᱱᱛᱟᱞᱤ ᱥᱟᱶᱦᱮᱫ ᱵᱟᱵᱚᱛ ᱵᱟᱰᱟᱭ ᱠᱚ ᱯᱟᱥᱱᱟᱣ ᱞᱟᱹᱜᱤᱫ ᱛᱟᱺᱜᱤ ᱨᱮ ᱢᱤᱱᱟᱹᱧᱟ᱾
ᱤᱧ ᱱᱚᱣᱟ ᱢᱟᱱᱚᱛᱟᱱ ᱫᱟᱣ ᱮᱢ ᱠᱷᱟᱹᱛᱤᱨ ᱤᱱᱴᱟᱨᱱᱥᱤᱯ ᱨᱮᱱ ᱵᱟᱱᱟᱣᱤᱭᱟᱹ ᱟᱨ ᱢᱚᱱᱛᱚᱨ ᱠᱚ ᱴᱷᱮᱱ ᱥᱟᱨᱦᱟᱣ ᱢᱮᱱᱟᱜ ᱛᱤᱧᱟᱹ᱾ ᱟᱭᱢᱟ ᱥᱟᱨᱦᱟᱳ ᱥᱟᱨᱦᱟᱣ᱾
Comments
Post a Comment